Saturday, 1 November 2014


ಬೇಂದ್ರೆಯವರ ನುಡಿ ಮುತ್ತು 

"ಇದು ನಿಜವಾಗಿಯೂ ಹೊಂಗಿರಣ.
ವರಕವಿ ಬೇಂದ್ರೆಯವರ ಈ ಸರಳ ನುಡಿ ಮುತ್ತು,
ಕೂಡಿ ಬಳಿದರೆ ಸ್ವರ್ಗ ಸುಖ ಎನ್ನುವ
ಸಂದೇಶವನ್ನು ಸಾರುತ್ತದೆ.ಒಗ್ಗಟ್ಟಿನಲ್ಲಿ
ಬಾಳಿನ ಸುಖವಿದೆ, ಬಲವಿದೆ.ವಿಘಟನೆ
ಮನುಷ್ಯನನ್ನು ಸುಖ ನೆಮ್ಮದಿಯ
ಜೀವನದಿಂದ ವಂಚಿತನನ್ನಾಗಿ ಮಾಡುತ್ತದೆ."
ನನ್ನ ಸ್ನೇಹಿತರೆಲ್ಲರಿಗೂ ನನ್ನ ನಮಸ್ಕಾರ, ಇಂದಿನ ದಿನ ನಿಮಗೆಲ್ಲರಿಗೂ ಶುಭವಾಗಲಿ.

29.10.2014
ಬಾರಿಗೆ ಹೋಗ್ತೀರಾ 

ಒಮ್ಮೆ ಹುಬ್ಬಳ್ಳಿಯಿಂದ ರಾತ್ರಿ ಬಸ್ಸಿನಲ್ಲಿ ಕೋಟಕ್ಕೆ ಬರುತ್ತಿದ್ದೆವು. ರಾತ್ರಿ 4 ಗಂಟೆ ಇರ ಬಹುದು. ಬಸ್ ಕೋಟದ ಹತ್ತಿರ ಬರುತ್ತಿತ್ತು. ಕೋಟದಲ್ಲಿ "ಅಮೃತ್ ಬಾರ್" ಹತ್ತಿರ ನಿಲ್ಲಿಸು ಅಂತ ಕಂಡಕ್ಟರನಿಗೆ ಅಂದೆ. ಅವನು ಏಕ್ ದಂ ದಂಗಾಗಿ, ಅಮೃತ್ ಬಾರಿಗಾ, ಇಷ್ಟೊತ್ನಲ್ಲಿ, ಎಂದು ಆಶ್ಚರ್ಯ ಪಟ್ಟ. ಆಗ ನಾನು ಬಾರಿಗಲ್ಲೋ ಮಾರಾಯ, ಆ ಬಾರಿನ ಮಗ್ಗುಲಿಗೆ ನಮ್ಮ ಮನೆಗೆ ಹೋಗುವ ಕಿರು ರಸ್ತೆ ಇದೆ, ಅದಕ್ಕೇ, ಎಂದೆ. ಆಗ, ಆತ ಒಮ್ಮೆ ಜೋರಾಗಿ ನಕ್ಕು ನಮ್ಮನ್ನು ಅಲ್ಲಿ ಇಳಿಸಿ ಹೋದ.... 
ಅವೇಳೆಯಲ್ಲಿ ಏನು ಅನ್ನುವುದಾದರೂ ಯೋಚಿಸಿಯೇ ಅನ್ನ ಬೇಕು..


28.10.2014
ಸುಜ್ನಾನ
ತಾಯಿ ಎಂದೂ ಮಗುವನ್ನು ಶಪಿಸುವುದಿಲ್ಲ.
ಭೂಮಿಗೆ ಯಾವ ದೋಷವೂ ಅಂಟುವುದಿಲ್ಲ.
ಸಾಧುವಾದವನು ಎಂದೂ ಹಿಂಸಿಸುವುದಿಲ್ಲ
ದೇವರು ಸೃಷ್ಟಿಸಿರುವುದನ್ನು ನಾಶಪಡಿಸಲ್ಲ
***ಸುಭಾಷಿತ
(ಸುಭಾಷಿತವೇನೋ ಚೆನ್ನಾಗಿದೆ. ಆದರೆ, ಎಲ್ಲದಕ್ಕೂ ಅಪವಾದವಿರುವ ಹಾಗೆ, ಇದಕ್ಕೂ
ಅಪವಾದವಿದೆ.
ನಮ್ಮ ಪಕ್ಕದ ಮನೆಯಲ್ಲೊಂದು ಒಂದು ಸಂಸಾರವಿದೆ. ತಾಯಿ, ಮಗ, ಮಗನ ಹೆಂಡತಿ ಮತ್ತು ಮದುವೆಯಾಗದ ಒಬ್ಬಳು ಮಗಳು.
ಹೇಗಿದ್ದರೆಂದರೆ, ದಿನ ಬೆಳಗಾದರೆ ಜಗಳ.
ಅತ್ತೆಗೂ ಸೊಸೆಗೂ ಹಣಾಹಣಿ. ಮಗ ಒಂದು ಶಬ್ಬ ಹೆಂಡತಿಯ ಪರ ಮಾತನಾಡಿದರೆ ಸರಿ, ತಾಯಿಂದ ಮಗನಿಗೆ ಹಿಡಿ ಶಾಪ, "ತಾಯಿಯ ಹೊಟ್ಟೆ ಉರಿಸುವ ನೀನು ಹಾಳಾಗಿ ಹೋಗ್ತಿ, ನಿನ್ನ ಸರ್ವನಾಶವಾಗಲಿ " ಅಂತೆಲ್ಲ ಹೆತ್ತ ತಾಯಿಯ ಶಾಪ ಮಗನಿಗೆ.
ಇದು ನಾನು ಸ್ವತ: ಕಿವಿಯಲ್ಲಿ ಕೇಳಿದ್ದು. ಏನೇನೂ ಉತ್ಪ್ರೇಕ್ಷೆಯಿಲ್ಲ. ಈಗ ಆ ಪಾಪದ ಮಗನಿಗೆ ಎದೆ ನೋವು. ಮೊನ್ನೆ ಮೊನ್ನೆ bye pass surgery ನೂ ಆಯ್ತು. ಹೇಗಿದೆ?
ಹಾಗೆಂದು ಎಲ್ಲಾ ತಾಯಂದಿರು ಹೀಗಂತಲ್ಲ. ಮಕ್ಕಳಿಗೋಸ್ಕರ ತನ್ನ ಜೀವ ತೇದ ತಾಯಂದಿರು ಲಕ್ಷಾಂತರವಿರ ಬಹುದು. ಇಂಥ ಕೇಸುಗಳು ಅಪವಾದವಿರ ಬಹುದು..
ಇನ್ನು ಭಗವಂತ. ನಂಬಿಕೆಯಂತೆ ಭಗವಂತ, ಭೂಭಾರ ಜಾಸ್ತಿಯಾದಾಗ, ಪ್ರಪಂಚದಲ್ಲಿ ಪಾಪ ಹೆಚ್ಚಾದಾಗ ಅವನ್ನು ಕಡಿಮೆ ಮಾಡಲು ತನ್ನ ಸೃಷ್ಟಿಯನ್ನೇ ನಾಶ ಮಾಡುತ್ತಾನಂತೆ

27.10.2014
A shocking Joke


A man received a message from his neighbour, "Sorry sir, I have been using your wife, especially when you are not at home. I am confessing now as I feel guilty. Please accept my sincere apologies."
The man almost had a heart attack when he got another message from the neighbour. "Sorry sir, spelling mistake...it's not wife but wifi".
(Straydog Corner of today's TOI) If you have a domestic wifi, make it password protected....Otherwise, you may also receive this type of messages..... 
66 ನೇ ವಯಸ್ಸಲ್ಲೂ ಈ ಸೌಂದರ್ಯದ ಗುಟ್ಟೇನು ಎಂದು ಕೇಳ ಬೇಡವೇ?
ಕತ್ತಲು - ಸೌಂದರ್ಯ
ಕತ್ತಲು ಕವಿದರೆ
ಕಣ್ಣಿಗೆ ಕಾಣುವ
ಎಲ್ಲ ಸೌಂದರ್ಯಗಳು
ಮರೆಯಾಗಿ ಹೋಗುತ್ತವೆ
ಕತ್ತಲಲ್ಲಿ ಕಾಣುವ
ಸೌಂದರ್ಯವೇ
ನಮ್ಮ ಅಂತರಂಗದ
ಸೌಂದರ್ಯ, ಮತ್ತು
ಸ್ನೇಹಿತರ, ಬಂಧುಗಳ
ಸದ್ಗುಣ ಸೌಂದರ್ಯ.
****ಅನುಭವಾಮೃತ.
ಕಾಲವನ್ನು ಕಾಯುತ್ತಾ....
ಒತ್ತಡ ಅನ್ನಿಸುತ್ತಾ ಇದೆ ಅವನಿಗೆ,
ಸಂತೈಸಿ ಬದುಕೆಂದು ಅದರಿಸುವವರಿಲ್ಲ
ಬೀದಿಯ ಕಸವಾದ,
ಆದರೂ ಅದನ್ನೂ ಗುಡಿಸಿ ಹಾಕುವವರಿಲ್ಲ,
ಗಾಳಿಗೆ ಸಿಲುಕಿದ ತರಗಲೆ ಆದ.
ಗಾಳಿಗೂ ಬೇಜಾರು, ಅವನನ್ನೊಯ್ಯಲಿಲ್ಲ,
"ನನ್ನ ಓರಗೆಯವರೆಲ್ಲ ಒಬ್ಬೊಬ್ಬರಾಗಿ ಮರೆಯಾಗುತಿದ್ದಾರೆ,"
ಎಂದು ಹೆಂಡತಿಗಂದ,
"ಆಯುಸ್ಸು ಮುಗಿದವರು ಸಾಯುತ್ತಾರೆ,ಅದಕ್ಕೇನು ಮಾಡುವುದು?"
ಎಂದ ಹೆಂಡತಿಯ ಮುಖ ನೋಡಿ ದಂಗಾದ.
ನಿಜವೇ ಆದರೂ, ಒಂದು ಸಾಂತ್ವನದ ಮಾತಿಲ್ಲವಲ್ಲ ಎಂದುಕೊಂಡು ಬೇಜಾರಾದ.
ವಯಸ್ಸಾದ ನಂತರ ಆತ್ಮೀಯರೆನಿಸಿ ಕೊಂಡವರೂ ಎಷ್ಟು practical ಆಗುತ್ತಾರಲ್ಲಾ
ಎಂದು ಅಚ್ಚರಿ ಪಟ್ಟು ಕೊಂಡು ಪೆಚ್ಚು ಮುಖ ಹಾಕಿ ಕೊಂಡ,
"ಪ್ರಪಂಚವೇ ಹಾಗಲ್ಲವೇ" ಎಂದುಕೊಂಡು ಸಮಾಧಾನವೂ ಪಟ್ಟು ಕೊಂಡ...
ಕಾಲವನ್ನು, ಸಾವನ್ನು ತಡೆಯುವವರಿಲ್ಲ,
ಆದರೆ ಒತ್ತಾಯದ ಬರವಿಲ್ಲ......
ಬರಬಾರದೇ ಎಂದರೂ ಬರದು, ಬರ ಬೇಡ ಎಂದರೂ ಬಾರದೆ ಇರದು,
ಕಾಯುತ್ತಲಿರ ಬೇಕು ಅವರವರ ಕಾಲಕ್ಕಾಗಿ,
ಮುಂದೊಂದು ದಿನ ಬರಲಿದೆ, ಆ ಅಳಿಗಾಲ.
**********************
25.10.2014