Thursday, 22 January 2015

ಹೀಗೊಂದು ಅಜ್ಜಿ....... smile emoticon
*************************
ಮೊಮ್ಮಕ್ಕಳು ಚಿಕ್ಕವಿರುವಾಗ,
"ನನ್ನ ಚಿನ್ನ, ನನ್ನ ಬಂಗಾರ" ಎಂದೆಲ್ಲಾ
ಮುದ್ದಾಡುತ್ತಿದ್ದ ಅಜ್ಜಿ, ಈಗ ಮೊಮ್ಮಕ್ಕಳು
ಸ್ವಲ್ಪ ದೊಡ್ಡವರಾಗಿ TV remote
ಅಜ್ಜಿಯಿಂದ ಕಿತ್ಕೊಂಡು ಕಾರ್ಟೂನ್
ಚಾನಲ್ಸ್ ನೋಡಲು ಶುರು ಮಾಡಿದಾಗ,
"ಅಯ್ಯೋ, ಇವು,ಮುಂ ......ವು, ನನಗೆ ಕನ್ನಡ
ಸೀರಿಯಲ್ಸ್ ನೋಡಲು ಬಿಡುತ್ತಿಲ್ಲವಲ್ಲಪ್ಪಾ,
ಅಶ್ವಿನಿ ಏನಾದಳೋ, ಪುಟ್ಟ ಗೌರಿ ಕತೆ
ಏನಾಯಿತೋ" ಎಂದು ಅಲವತ್ತು ಕೊಳ್ಳುತ್ತಿದೆ..... smile emoticon
+++++++++


15.01.2015
Horrible & crazy Painting (ಕಥೆ ಕವನ ಗ್ರೂಪಿನ ಸದಸ್ಯೆ ಶ್ರೀಮತಿ ಗೋಪಾಲಕೃಷ್ಣ ಅವರ
ಗೋಡೆಯಿಂದ ಶೇರ್ ಮಾಡಿದ್ದು)
ಪ್ರೇಮ ಗುಲಾಬಿಯ ಮುಳ್ಳುಗಳು ಈ ರೀತಿ ಚುಚ್ಚಿ ಸೀಳಿದರೆ, ಈ ಭೂಮಿಯ ಮೇಲೆ ಎಂದೂ, ಯಾರೂ ಯಾರನ್ನೂ ಪ್ರೀತಿಸಲಿಕ್ಕಿಲ್ಲ........

12.01.2015
ಪ್ರಶ್ನೆ:- ಭಾರತದ ಅತಿ ದೊಡ್ಡ ಬಯಲು ಶೌಚಾಲಯ
ಯಾವುದು ಮತ್ತು ಎಲ್ಲಿದೆ?
ಉತ್ತರ:- "ಭಾರತೀಯ ರೈಲ್ವೆ"...ಅದೆಷ್ಟೋ ಸಾವಿರ
kms ಉದ್ದವಿರುವ ರೈಲ್ವೇ ಹಳಿಗಳ
ನಡುವೆ ಇದೆ.
**************

11.01.2015
ಎಲ್ಲರೊಡನೆಯೂ ಸೌಜನ್ಯದಿಂದ
ವರ್ತಿಸಬೇಕನ್ನುವುದು ಅಪೇಕ್ಷಣೀಯ.
ಆದರೆ, ಸಹಜವಾಗಿ ಈ ಸೌಜನ್ಯತೆ,
ಆ ವ್ಯಕ್ತಿಗಳ ಬಗ್ಗೆ ನಮಗಿರುವ
ಸಹನೆ ಅಥವಾ ಅಸಹನೆಯ
ಭಾವನೆಗಳ ಮೇಲೆ ಅವಲಂಬಿತವಿರುತ್ತದೆ.
******ದಾರ್ಶನಿಕ.

Thursday, 8 January 2015

ಬದುಕು.
ತನಗಾರೂ ಇಲ್ಲ,
ಎಲ್ಲಾ ಹೋಯಿತು, ಸೋತು ಬಿಟ್ಟೆ,
ನಂಬಿದವರೆಲ್ಲಾ ಕೈ ಕೊಟ್ಟರು,
ಬಾಬಾ ಹೇಳಿದ್ದೂ ನಡೆಯಲಿಲ್ಲ,
ಪೂಜಾರಯ್ಯನ ಉಪದೇಶ ಫಲಿಸಲಿಲ್ಲ,
ಇನ್ನೇಕೆ ಬದುಕಲಿ, ಯಾಕಾಗಿ ಇರಲಿ,
ಇನ್ನುಳಿದುದೊಂದೇ ದಾರಿ, ಅದೇ ಕೊನೆಯ ದಾರಿ,
ಎಲ್ಲಾ ಮೋಕ್ಷ, ಕಡೆಗೆ ನಿರ್ವಾಣ ,
ನಡೆದೇ ಬಿಟ್ಟ ಗಂಗಮ್ಮನೆಡೆಗೆ ಮುಖಮಾಡಿ....
ದಾರಿಯಲ್ಲೊಂದು ಬೋಳು ಮರ,
ಆ ಮರದ ಕೆಳಗೊಬ್ಬ ತೊಂಭತ್ತು ವರ್ಷದ ಮುದುಕ,
ಕೂತಿದ್ದ ಬೀಡಿ ಸೇದಿಕೊಂಡು, ಕೆಮ್ಮಿಕೊಂಡು,
ಅಡ್ಡ ಹಾಕಿದ ಇವನನ್ನು, "ಯಪ್ಪಾ, ಒಂದು ರುಪಾಯಿ ಕೊಡು,
ಇನ್ನೆರಡು ಬೀಡಿ ಸೇದ್ತೀನಿ......."
ಇವನಂದ, "ಏ ಅಜ್ಜಾ, ಸಾಯಾಕ್ ಬಿದ್ದಿ, ಇನ್ಯಾಕ್ ಬೀಡಿ,
ನಾನೂ ಹೊಂಟೀನಿ, ಬಾ, ಇಬ್ಬರೂ ಹೊಳ್ಯಾಗ್ ಬಿದ್ದು ಸಾಯೋಣು"
ಬೆಚ್ಚಿ ಬಿದ್ದ ಮುದುಕ. "ನನ್ನ ತಲೆ ನೆಟ್ಟಗೈತಲೇ, ನಾ ಯಾಕ್ ಸಾಯಲಿ,
ನೀ ಒಂದು ರುಪಾಯಿ ಕೊಡ್ತಿಯಾದರೆ ಕೊಡು....ಇನ್ನೆರಡು ಬೀಡಿ ಎಳೆದು
ಮನೀಗ್ ಹೊಕ್ಕೀನಿ, ನನ್ ಮುದ್ಕಿ ಕಾಯಾಕ್ ಕುಂತಾಳೆ...ಆಕೆ ಜತೆ
ಇನ್ ಹತ್ತು ವರ್ಷರೀ ಬದಕಬೇಕ್ ನಂಗೆ" ... ಅಂದ ತೊಂಭತ್ತು ವರ್ಷದ ಮುದುಕ.... !!!!
ಜ್ಙಾನೋದಯವಾಯಿತಿವನಿಗೆ..."ತೊಂಭತ್ತು ವರ್ಷದ ಮುದುಕ, ಇನ್ನು
ಹತ್ತು ವರ್ಷ ಬದುಕ ಬೇಕಂತೆ, ಇವ್ನ ಮುದ್ಕಿ ಜತೆ......."
ಇವನಿಗೂ ನೆನಪಾಯಿತು, ಮನೆಯಲ್ಲಿ ಹೆಂಡತಿ ಕಾಯುತಿದ್ದಾಳೆ ಎಂದು,..
ಸಾವನ್ನೂ ಮರೆತ, ನದಿಯನ್ನೂ ಮರೆತ,
ತಲೆ ಕೊಡವಿಕೊಂದು ತಿರುಗಿ ಓಡಿದ ಮನೆಯ ಕಡೆ ಹಿಂದೆ ನೋಡದೆ..... !!!!
08.01.2015

Think well before opening Joint Account with........ !!!!!!!
ಗಂಡು ಹೆಣ್ಣುಗಳಲ್ಲಿ,
ಎಲ್ಲಕ್ಕಿಂತ ಸೌಂದರ್ಯದ ಆಕರ್ಷಣೆಯೇ ಜಾಸ್ತಿ
ಎನ್ನುವುದು ನಿಜವಾದರೂ,
ಅದನ್ನು ತತ್ವಜ್ಙಾನಿಗಳು, ಅದರ್ಶವಾದಿಗಳು
ಎಂದೂ ಒಪ್ಪಿ ಕೊಳ್ಲುವುದಿಲ್ಲ.
ಆದರೆ, ಇದು ನಿಜವೆಂದು
ಸಾಮಾನ್ಯ ಮನುಷ್ಯನ ಅಂತರಂಗಕ್ಕೆ ಗೊತ್ತಿರುತ್ತದೆ.
*******ದಾರ್ಶನಿಕ