Sunday, 2 April 2017

ಮನುಷ್ಯನ ಮಹಾ ದೊಡ್ಡ ಕಷ್ಟ
ರಾತ್ರಿ ಮಲಗಿದರೆ ನಿದ್ರೆ ಬರದಿರುವುದು... :-)
ಅದರಲ್ಲೂ, ಹೆಂಡತಿಯ ಗೊರಕೆಯಿಂದ
ಗಂಡನಿಗೆ ಅಥವಾ ಗಂಡನ ಗೊರಕೆಯಿಂದ
ಹೆಂಡತಿಗೆ ನಿದ್ರೆ ಬಾರದಿದ್ದರೆ
ಅದು ಪರಿಹರಿಸಲಸಾಧ್ಯವಾದ ಕಷ್ಟ...:-)
******************
ಚೆಂದಕ್ಕೆಮರುಳಾದ
ಚೆಂದ ನಗಲಿಲ್ಲ.
ಕುರೂಪ ನಕ್ಕಿತು,
ಮರುಗಿ ಮರುಳನಾದ.

      ****ದಾರ್ಶನಿಕ
"ವೈರಾಗ್ಯವೆಂದರೆ ವಿರಕ್ತಿ=ಯಾವುದರ ಮೇಲೂ ಆಸೆಯಿಲ್ಲದಿರುವುದು,ಯಾವುದೂ ಬೇಡವೆನ್ನುವ ಭಾವ.
ಇಹ ಲೋಕ ತ್ಯಜಿಸಿದವರ ಅಂತಿಮ ದರ್ಶನಕ್ಕಾಗಿ ಬಂದ ಜನ:
'ಎಷ್ಟು ಗಳಿಸಿದರೇನು,ಎಷ್ಟೇ ಆಡಂಬರದಿಂದ ಜೀವನ ನಡೆಸಿದರೇನು ಎಲ್ಲರಿಗೂ ಸಾವು ಕಟ್ಟಿಟ್ಟ ಬುತ್ತಿ.ನಾವೆಲ್ಲರೂ ಸಹ ಒಂದಿಲ್ಲೊಂದು ದಿನ ಇಹಲೋಕ ತ್ಯಜಿಸುವವರೇ . ಹೋಗುವಾಗ ನಾವೇನೂ ತೆಗೆದುಕೊಂಡು ಹೋಗುವುದಿಲ್ಲ. ಇರುವಷ್ಟು ದಿನ ಎಲ್ಲರೊಂದಿಗೂ ಚೆನ್ನಾಗಿ ಇರಬೇಕು'
ಎಂದು ಹೇಳುತ್ತಾರೆ.ಸಾವಿನ ಮನೆಯಲ್ಲಿ/ಸ್ಮಶಾನದಲ್ಲಿ ತೋರ್ಪಡಿಸಿಕೊಳ್ಳುವ ವಿರಕ್ತಿ ಭಾವವನ್ನು 'ಸ್ಮಶಾನ ವೈರಾಗ್ಯ' ವೆನ್ನುತ್ತಾರೆ.
ಅದೇ ಜನ ನಂತರದ ದಿನಗಳಲ್ಲಿ ಮೊದಲಿನ ಹಾಗೇ , ಅಂದರೆ,ದರ್ಪ ತೋರುವುದು,ಎಲ್ಲವೂ ನನ್ನಿಂದಲೇ,ಎಲ್ಲವೂ ನನ್ನ ದೇ ಎಂದು ಅಹಂಕಾರ ದಿಂದ ಮೆರೆಯುತ್ತಾರೆ."


ಯಾವಾಗಲೂ ಇಂಗ್ಲೀಶ್ ನಿಂದ ಕನ್ನಡದ ಕೊಲೆಯಾಗುತ್ತಿದೆ, ಇಂಗ್ಲೀಶ್ ಶಬ್ದಗಳು ಒಳ ಸೇರಿಕೊಂಡು ಕನ್ನಡ ಹಾಳಾಗುತ್ತಿದೆ ಎಂಬುದು ಸಾಮಾನ್ಯ ದೋಷಾರೋಪಣೆ.... :-)
ಆದರೆ ಇಲ್ಲಿ ನೋಡಿ, ಇಲ್ಲೊಬ್ಬರು ಕನ್ನಡ ಪ್ರೇಮಿಗಳು ಇಂಗ್ಲೀಶನ್ನೇ ಕೊಲೆ ಮಾಡಿ ಕನ್ನಡದಲ್ಲಿ ಬರೆದು ತಮ್ಮ ಕನ್ನಡ ಪ್ರೇಮವನ್ನು ಮೆರೆದಿದ್ದಾರೆ......:-) ಅಂದ ಹಾಗೆ ಇದು ನಮ್ಮ ಹುಬ್ಬಳ್ಳಿ ಮಂದೀ ಭಾಷೆನೂ ಹೌದು.... :-)
"ಮಾ" ದ ದೀರ್ಘವನ್ನೇನಾದರೂ ಕಡಿದು ಹಾಕಿದ್ದರೆ, ಅದು "ಸುಪರ ಮರ್ಕಟ"ನೇ ಸರಿ.... :-) ಅಥವಾ, ವಿಪರೀತವೇ ಒಂದು ಆಕರ್ಷಣೆಯೋ ಏನೋ...ಅದಕ್ಕೇ ನನ್ನಂಥವನ ಕಣ್ಣಿಗೆ ಬಿದ್ದಿದೆ.... :-)
ಮೂಗು ತೂರಿಸುವುದಕ್ಕೂ
ಮೂಗು ತುರಿಸಿಕೊಳ್ಳುವುದಕ್ಕೂ
ಬಹಳ ವ್ಯತ್ಯಾಸವಿದೆ.
ಯಾವತ್ತೂ ಮೂಗು ತೂರಿಸಬೇಡಿ.,
ಆದರೆ ಮೂಗು ತುರಿಸಿಕೊಂಡು
ಯೋಚಿಸಿ ಮುಂದಿನ ಹೆಜ್ಜೆಯಿಡಿ.
****ದಾರ್ಶನಿಕ.
ಎಲ್ಲಾ ಪ್ರಶ್ನೆಗಳಿಗೂ
ಉತ್ತರ ಕೊಡಲೇ ಬೇಕೆಂದಿಲ್ಲ.. :-)
ಎಲ್ಲಾ ಪೋಷ್ಟುಗಳಿಗೂ
ಕಾಮೆಂಟ್ಸ್ ಮಾಡಲೇ ಬೇಕೆಂದಿಲ್ಲ.... :-)
ಹಾಗೆಯೇ, ಎಲ್ಲಾ ಕಾಮೆಂಟುಗಳಿಗೆ
ಪ್ರತಿಕ್ರಯಿಸಲೇ ಬೇಕೆಂದಿಲ್ಲ..... :-)
ಮತ್ತೆ. ಪೋಷ್ಟುಗಳನ್ನು, ಫೋಟೋಗಳನ್ನು
ಬೇಕಾಬಿಟ್ಟಿ ಟ್ಯಾಗ್ ಮಾಡಲೇ ಬೇಕೆಂದಿಲ್ಲ.... :-)
ಒಂದೇ ಒಂದು ಮಾಡ ಬಹುದೆಂದರೆ,
ಯಾರದ್ದೇ ಫೋಷ್ಟನ್ನು ಇಷ್ಟ ಪಟ್ಟವರು
ನಿರ್ಯೋಚನೆಯಿಂದ ಶೇರ್ ಮಾಡಿ ಕೊಳ್ಳ ಬಹುದು..... :-)
ಈ ಕ್ಶಾಶ್ ಲೆಸ್ ವ್ಯವಹಾರ ಎಲ್ಲ ಕಡೆ ಹೇಗೆ ಮಾಡೋದು ಅಂತ ಚಿಂತೆಯಾಗಿದೆ.... :-)
ಇವತ್ತು ಮಂಗಳವಾರ. ನಮ್ಮ ಏರಿಯಾದ ಕಾಯಿಪಲ್ಲೆ, ತರಕಾರಿ ಸಂತೆ. ನನಗೆ ಅರ್ಧ ಕಿಲೋ ಬದನೆ ಕಾಯಿ, ೨೫೦ ಗ್ರಾಂ ಹಸಿ ಮೆಣಸು ತಗೊಂಡು, ಒಂದು ಗ್ಲಾಸ್ ಕಬ್ಬಿನ ಹಾಲು ಕುಡಿಯ ಬೇಕಾಗಿದೆ.... :-) ಈ ಕೆಲಸ ಕಿಸೆಯಲ್ಲಿ ದುಡ್ಡಿನ ಬದಲಿಗೆ ಕಾರ್ಡ್ ಅಥವಾ ಮೊಬೈಲ್ ಇಟ್ಟು ಕೊಂಡು, ಮಾಡೋದು ಹೇಗೆ ಅಂತ ಗೊತ್ತಾಗ್ತಿಲ್ಲ... :-)
ಯಾರಾದರೂ ಗೊತ್ತಿದ್ದವರು ತಿಳಿಸಿ ಕೊಡಿ... :-) ಇವತ್ತು ಸಂತೆಗಂತೂ ಹೋಗಲೇ ಬೇಕು.. :-)