Friday, 11 August 2017

ಓ ಇನಿಯಾ..ನೀ ಸನಿಹಾ.. 
*********************
ಈ ಇನಿಯ
ಬಲು ಸನಿಹ,
ಈ ಸಂಭಾಷಣೆ
ಅತಿ ಮಧುರ,
ಈ ಪ್ರಕೃತಿ
ಅತಿ ಸುಂದರ,
ಮಿನುಗುತಿದೆ ಬಾನು
ಹೊಳೆಯುತಿದೆ ನೀರು
ನಮ್ಮ ಜೀವನವೆಲ್ಲ
ಹಸಿರೋ ಹಸಿರು
ನಮ್ಮ ಹೆಸರೇ
ಸಹ ಬಾಳು,
ಈ ಭುವಿಯ ಸವಿಯೆಲ್ಲ
ನಮಗೇ ಮೀಸಲು
ನನಗೆ ನೀನು
ನಿನಗೆ ನಾನು,
ಈ ಜೇನ ಹೊಳೆಯೇ
ನಮಗೆ ಮೀಸಲು
ನಮಗೆ ಈಸಲು.
...‌...ಮಿಲನ‌‌
=================™
ನಾನು ಬಲು ಸನಿಹ,
ನಾನು ಬಲು ದೂರ,
ನಾನಿರುವೆ ಮುಂದಿನ
ತಿರುವಿನ ಮೂಲೆಯಲ್ಲಿ
ಆದರೂ ನೀ ನನ್ನ ಕಾಣಲಾರೆ
ನನ್ನಿರುವ ನೀ ಎಣಿಸಲಾರೆ
ನಾ ಬಂದೇ ಬರುವವನೆಂದು
ನಿನಗೆ ಖಂಡಿತಾ ಗೊತ್ತು,
ಆದರೂ, ನಾ ನಿನಗೆ ಬೇಡದವ
ನಾನು ನೀನೆಂದೂ ಬಯಸದವ
ನೀ ಕಾಯದಿದ್ದರೂ ನನ್ನ,
ನಾನಂತೂ ಕಾಯುತಿರುವೆ ನಿನ್ನ,
ನಮ್ಮೀರ್ವರ ಅಂತರ ಕಾಲ,
ಕಾಲ ಕೂಡಿ ಬಂದಾಗಲೇ
ನಮ್ಮ ಬಿಡಿಸಲಾರದ ಮಿಲನ
ನಮ್ಮ ಬಿಡಿಸಲಾರದ ಮಿಲನ.

ನನ್ನ ಮಂದಸ್ಮಿತೆ
+++++++++++
ಮಂದಹಾಸದ
ಮಂದಸ್ಮಿತೆ,
ಅರೆಬಿರಿದ ಮೊಗ್ಗು
ಕಣ್ಣಿಗೆ ಮುದ್ದು,
ತಿದ್ದಿ ತೀಡಿ ದೇವ
ಕಡೆದ ಈ ಶಿಲ್ಪ
ಕಣ್ಣುಗಳಿಗೆ ಹಬ್ಬ,
ಬಟ್ಟಲು ಕಂಗಳ
ನಲಿವ ನೋಟ
ನೋಡುವುದೇ
ಒಂದು ಹಿಗ್ಗು,
ಅರವಿಂದದಲಿ
ತುಂಬಿ ತುಳುಕುವ
ನಯ ವಿನಯ
ಸದಾ ಕಣ್ಣುಗಳಿಗೆ ತಂಪು
ಈ ಹಿಗ್ಗು ಚಿರವಾಗಿರಲಿ,
ಮಗಳೆ, ನಿನ್ನ ಬಾಳು
ಎಂದೆಂದಿಗೂ ಹಸಿರಾಗಿರಲಿ.
ಇತಿ,
ನಿನ್ನ ತಂದೆ.

Saturday, 3 June 2017

ಸ್ವತಃ ಲೀಡರ್ಸ್ ಆಗುವ ಯೋಗ್ಯತೆ ಇಲ್ಲದವರಿಗೆ
ಲೀಡರ್ಸ್ ಆದವರನ್ನು
ಟೀಕಿಸುವ ಅಧಿಕಾರವಿದೆಯೇ?
ಮನುಷ್ಯನಿಗೆ ಪ್ರೀತಿಸಲೂ
ಯಾರೂ ಸಿಗೋಲ್ಲ, ಸಿಟ್ಟು ಮಾಡಲೂ ಯಾರೂ ಸಿಗೋಲ್ಲ, ಅಂದರೆ ಅವನು ಪರಿತ್ಯಕ್ತನೇ ಸರಿ.
ದೇವರ ಮೂರ್ತಿಯಿರುವ
ಮತ್ತು ದೇವರ ಪೂಜೆ ನಡೆಯುವ
ಸ್ಥಳವನ್ನು "ದೇವಾಲಯ" ಅನ್ನುತ್ತೇವೆ.
ಅದರೆ ಮನುಷ್ಯರು ಶೌಚ ಮಾಡುವ
ಸ್ಥಳವನ್ನು (toilet) "ಶೌಚಾಲಯ" ಅನ್ನುತ್ತೇವೆ.
ಈ ಪದ ಪ್ರಯೋಗ ವಿಚಿತ್ರ ಹಾಗೂ ಸರಿಯಲ್ಲ
ಅನ್ನಿಸುತ್ತದೆ, ಅಲ್ಲವೇ?
ದುಷ್ಟರನ್ನು ದೂರವಿಡ
ಬೇಕೆಂಬುದು ಸಾಮಾನ್ಯ
ಸಲಹೆ. ಆದರೆ, ದುಷ್ಟರಿಂದ
ಪ್ರಭಾವಿತರಾಗದೆ, ಅವರಿಂದಲೂ
ತಮಗೆ ಬೇಕಾದ ಕೆಲಸವಿದ್ದರೆ
ಅದನ್ನು ಮಾಡಿಸಿ ಕೊಳ್ಳಲು
ಪ್ರಯತ್ನಿಸ ಬೇಕೆಂಬುದು
ಜಾಣರ ಸಲಹೆ... :-)
*** ದಾರ್ಶನಿಕ.