Monday, 29 December 2014

ಕೆಲವು ವಯಸ್ಸಾದ ಗಂಡ ಹೆಂಡಂದಿರು
ಮಾಡಲು ಬೇರೇನೂ ಕೆಲಸವಿಲ್ಲದೆ,
ತಮ್ಮ ತಮ್ಮಲ್ಲೇ ಜಗಳ ಆಡುವುದನ್ನೇ
ಮುಖ್ಯ ಕಾಯಕ ಮಾಡಿಕೊಂಡಿರುತ್ತಾರೆ.
***ದಾರ್ಶನಿಕ
ಸಂಭಾಷಣೆ.


ಕೆಲವು ಸಿನೆಮಾ ಮತ್ತು ಸೀರಿಯಲ್ dialogue writers ಬರೆಯುವ ಸಂಭಾಷಣೆಗಳು ಒಂಥರಾ ಮಜವಾಗಿಯೂ, witty ಆಗಿಯೂ ಇರುತ್ತವೆ. ಹಾಗೇ ಕಿವಿಯ ಮೇಲೆ ಬಿದ್ದ (ಯಾಕಂದರೆ ನಾನು ಸೀರಿಯಲ್ಸ್ ಹೆಚ್ಚು ನೋಡೋಲ್ಲ) ಒಂದು ಕನ್ನಡ ಸೀರಿಯಲ್ dialogue ತುಣುಕು ಹೀಗಿದೆ ನೋಡಿ...
"ಕಲ್ಲು ಯಾರೋ ಹೊಡೆಯುತ್ತಾರೆ, ಹೊಡೆಯಲಿ.
ಹಣ್ಣು ಬಿದ್ದರೆ ಆರಿಸಿ ಕೊಳ್ಳೋಣ. ಏಟು ಬೀಳುವ ಹಾಗಿದ್ದರೆ, ತಪ್ಪಿಸಿ ಕೊಳ್ಳೋಣ, ಬೇಗ ಬಾ......"
ಹೇಗಿದೆ?

28.12.2014

Sunday, 28 December 2014

ಸಂಬಂಧಗಳು ಬಹಳ ಅತಿರೇಕವಾಗಿ
ಹತ್ತಿರವಾಗಿರ ಬಾರದು.
ಸ್ನೇಹವೂ ಇರಬೇಕು, ಆದರೆ,
"ದೂರತೋ ಪರ್ವತೋ ರಮ್ಯ"
ಅನ್ನುವ ಹಾಗೆ ಅದು ಎಷ್ಟು ಬೇಕೋ
ಅಷ್ಟರಲ್ಲೇ ಇದ್ದರೆ, ಮುಂದೆ ಆ
ಸಂಬಂಧಗಳು ಕಹಿಯಾಗುವ ಸಾಧ್ಯತೆ ಕಡಿಮೆ.
*****ದಾರ್ಶನಿಕ.
ಮನೆಯ ದನ ಎಷ್ಟೇ
ಹಾಲು ಕೊಟ್ಟರೂ,
ಮನೆಯೊಡತಿಯ
ಮನ ಸರಿ ಇಲ್ಲದಿದ್ದರೆ,
ಎಲ್ಲರಿಗೂ ನೀರು ಹಾಲೇ ಗತಿ
.
**ದಾರ್ಶನಿಕ
ನಿಂತ ನೀರು - ನಿಂತ ದೋಣಿ
++++++
ಮಧ್ಯೆ ನಿಂತ ದೋಣಿ,
ಬಗೆ ಹರಿಯದೇನೋ
ಎನ್ನುವ ಚಿಂತೆ,
ಹರಿವೂ ಇಲ್ಲ, ಸುಳಿಯೂ ಇಲ್ಲ,
ಸ್ಥಿರವಾಗಿ ನಿಂತ ನೀರು,
ದಡ ಸೇರಿಸಲು ಗಾಳಿಯೂ ಇಲ್ಲ,
ಎಂದು ಬಂದಾನು ನನ್ನ ನಲ್ಲ,
ಕೈ ನೀಡಿ ನನಗಾಸರೆಯಾಗಲು
ಕಾಯುತಿಹೆ, ಕಾಯುತಿಹೆ,
ನಾ ಅತಿ ದುಗುಡದಲ್ಲಿ.
28.12.2014

Friday, 26 December 2014

ನಗೆ-ಹೊನಲು!

ಒಂದು ಪಾರ್ಟಿಯಲ್ಲಿ ಒಬ್ಬ ಮಾಹಶಯ ತನ್ನ ಪಕ್ಕದವರ ಬಳಿ
ಹೇಳಿದ " ಏನು ಕಾಲ ಬಂತಪ್ಪಾ, ಸ್ವಲ್ಪ ಆ ಹುಡುಗನನ್ನು ನೋಡಿ,
ಅದೇನು ವೇಷನೋ ಬಿಲ್ಕುಲ್ ಹುಡುಗಿ ತರಹ ಕಾಣ್ತಾನೆ,"
ಪಕ್ಕದವರು ಸ್ವಲ್ಪ ಖಿನ್ನರಾಗಿಯೇ ನುಡಿದರು. " ನೋಡಿ ಅವಳು ಹುಡುಗ ಅಲ್ಲ.
ಅವಳು ನನ್ನ ಮಗಳು."
"ಕ್ಷಮಿಸಿ ನನಗೆ ಗೊತ್ತಾಗಲಿಲ್ಲ, ನೀವು ಅವರ ತಂದೆ ಅಂತ."
"ಏನಂದ್ರೀ ನಾನು ಅವಳ ತಂದೆಯಲ್ಲ. ತಾಯಿ.!"
+++++++++++
INTELLIGENT HONESTY.

A lady lost her handbag in the bustle of Christmas shopping. It was found by an honest little boy and returned to her.
Looking in her purse, she commented, “That's funny. When I lost my bag there was a $20 bill in it. Now there are twenty $1 bills.“
The boy quickly replied, “That's right, lady. The last time I found a lady's purse, she didn't have any change for a reward.“
Stray humour, author unknown ( In  Times of India)
ಅಭಿಪ್ರಾಯ ಭೇದಗಳನ್ನು
ಪರಸ್ಪರ ಗೌರವಿಸಿದರೆ,
ಈ ಜಗತ್ತಿನಲ್ಲಿ ನೂರಕ್ಕೆ
ತೊಂಬತ್ತರಷ್ಟು ಜಗಳಗಳು
ಆಗುವುದೇ ಇಲ್ಲ.
*****ದಾರ್ಶನಿಕ
ಬರೆ.
ಓಡು ಅಂದರ
ಓಡ ಬಹುದು,
ಹಾಡು ಅಂದರೆ
ಯಾರೋ ಬರೆದ
ಹಾಡನ್ನು ಹೇಗಾದರೂ ಹಾಡಬಹುದು,
ಆದರೆ ಬರೆ ಅಂದರೆ
ಕೂಡಲೇ ಬರೆಯಲಾಗುತ್ತದೆಯೇ?
ವಿಷಯಗಳು ಬೇಕು
ಭಾವಗಳು ಬೇಕು
ಅವು ಭಾವನೆಗಳಾಗಿ
ಮನದಲ್ಲಿ ಮೂಲೆಗಳಲ್ಲಿ ಅರಳಬೇಕು,
ಹಾಗೆ ಅರಳಿದ ಭಾವನೆಗಳು
ಮನದಂಗಳದಲ್ಲಿ ಸೇರಿ
ಒಂದಕ್ಕೊಂದು ಮಿಡಿಯ ಬೇಕು
ಮತ್ತೆ ಪದಪುಂಜಗಳ ಸರದಿ,
ಭಾವನೆಗಳನ್ನು ತರೆದಿಡುವ
ಶಬ್ದಗಳನ್ನು ಹುಡುಕಿ ತಂದು
ಜೋಡಿಸಿ ಸಾಲುಗಳಾಗಿ ಹೆಣೆಯ ಬೇಕು,
ಕೊನೆಯದಾಗಿ ಈ ಶಬ್ದ ಸಂಯೋಜನೆಯನ್ನು
ಅರ್ಥವಾಗಿಯೋ, ಅರ್ಥ ಮಾಡಿಕೊಂಡೆವೆಂದುಕೊಂಡೋ,
ಇಲ್ಲಾ, ಅರ್ಥವಾಗದೆ ಇದ್ದರೂ,
ಆಗಿದೆ ಎಂದು ವ್ಹಾ ವ್ಹಾ ಅಂದುಕೊಂಡೋ
ಓದುವವರಂತೂ ಬೇಕೇ ಬೇಕು.
ಯಾರಾದರೂ, "ಬರೆದದ್ದಕ್ಕೆ ಅರ್ಥವೇ ಇಲ್ಲ"
ಅಂದರೆ ಅದು ನವ್ಯ ಕವಿತೆ, ಅದರ ನವ್ಯಾರ್ಥ
ನಿಮ್ಮಂಥ ಪಾಮರರಿಗೆ ಅರ್ಥ ಆಗಲು
ಸಾಧ್ಯವಿಲ್ಲ ಎನ್ನುವ ಛಾತಿ ಬರೆದವನಿಗೆ ಇರಬೇಕು.
*********
25.12.2014
ಒಂಟಿ ಮರ.
--------------
ಒಣಗಿ ನಿಂತ
ಒಂಟಿ ಮರ
ಸುತ್ತಲೂ ಕಾಡು,
ಆದರೆ ಮರಗಳೇ ಇಲ್ಲ.
ಅದು ಮರಳುಗಾಡು,
ಎಲ್ಲಿಯೂ ಹಸಿರಿಲ್ಲ
ಬರೀ ಬಿಸಿ, ಬರೀ ಬಿಸಿಲು,
ಕಣ್ಣ ದೃಷ್ಟಿ ಚಾಚುವವರೆಗೆ
ಬರೇ ಕೆಂಪು ಮರಳರಾಶಿ,
ಉರಿಯುವ ಬೇಗೆಯಲ್ಲಿ
ಕಣ್ಣಿಗೆ ಮರಳು ರಾಚುವ ಗಾಳಿ
ಚೆದುರಿತು ಬುಡದ ಮರಳು
ಉರುಳಿತು ಆ ಒಂಟಿ ಮರ,
ಗಾಳಿ ಬಿರುಗಾಳಿಯಾಯಿತು
ಬಿರುಗಾಳಿ ಮರಳಧಾರೆಯಾಯಿತು,
ಮರಳ ರಾಶಿಯಲ್ಲಿ, ಪಾಪ,
ಉರುಳಿದ ಮರ ಮುಚ್ಚಿ ಹೋಯಿತು,
ಎಂದೆಂದಿಗೂ ಮರೆಯಾಗಿ ಹೋಯಿತು.
23.12.2014
ಸಾಡೆ ಸಾತಿ ಶನಿ, ಸಾಡೆಸಾತಿ
ಮುಗಿದ ನಂತರವಾದರೂ
ಬಿಟ್ಟು ಹೋಗುತ್ತದೆ. ಆದರೆ
ಗಂಡ ಅಥವಾ ಹೆಂಡತಿಯ
ರೂಪದಲ್ಲಿ ಶನಿ ಅಂಟಿ ಕೊಂಡರೆ, 
ಅದು ಮನುಷ್ಯನ ಜೀವಮಾನದ
ಸಂಗಾತಿ ಆಗಿರುತ್ತದೆ..
*****ದಾರ್ಶನಿಕ
ಯಾವಾಗಲೂ ಬೇರೆಯವರ ನಿರ್ಧಾರಗಳನ್ನು
ಟೀಕಿಸುವವರಿಗೆ, ಸ್ಡಂತ ವಿಷಯಗಳಲ್ಲೂ ಸ್ವತಃ
ನಿರ್ಧಾರಗಳನ್ನು ತೆಗೆದು ಕೊಳ್ಳುವ ಶಕ್ತಿ ಇರುವುದಿಲ್ಲ.
********ದಾರ್ಶನಿಕ
ಜೀವನದಲ್ಲಿ ಮನುಷ್ಯ ಮಾಡುವ
ತಪ್ಪುಗಳು ಎಣಿಸಲಾಗದಷ್ಟು.
ಅದರೆ ಅವುಗಳಲ್ಲಿ ಒಂದು
ಮಾತ್ರ ಅವನು ಮಾಡಿದ್ದಲ್ಲ.
ಅದು ಅವನ ಹುಟ್ಟು.
*****ದಾರ್ಶನಿಕ

ಹಗಲು - ಇರುಳು 

ಚಂದಿರ
ಹಗಲನ್ನು
ನೋಡಿದ್ದಾನೆ,
ಆದರೆ,
ಸೂರ್ಯ
ಇರುಳನ್ನು
ನೋಡೆ ಇಲ್ಲ.......


20.12.2014


 Pillion Rider

ಹಲವು ವರ್ಷಗಳ ಹಿಂದೆ, ನಾನಿದ್ದ ಊರಿನಲ್ಲಿ ಒಬ್ಬರು LIC Dev. Officer ಇದ್ದರು. (ಭಟ್ ಅಂತ ಹೆಸರು) ಅವರ ಹತ್ತಿರ ಒಂದು bullet motor cycle ಇತ್ತು. ಗಾಡಿಯಲ್ಲಿ ಹೆಂಡತಿಯನ್ನು ಹಿಂದೆ ಕೂಡಿಸಿಕೊಂಡು ಅಲ್ಲಿ ಇಲ್ಲಿ ತಿರಗುತ್ತಿದ್ದರು.
ಅವರ ಹಂಡತಿ ಮನೆ ಬಿಟ್ಟು ಮನೆಗೆ ಬರುವವರೆಗೆ ಒಂದೇ ಸಮನೆ ಮಾತನಾಡುತ್ತಲೇ ಇರುವುದು, ಇವರು ಊಂ..ಊಂ.. ಅನ್ನುತ್ತಿರುವುದು ವಾಡಿಕೆ.
ಒಂದು ದಿನ ಮಾರ್ಕೆಟ್ ನಿಂದ ಬರುವಾಗ ಇದ್ದಕ್ಕಿದ್ದಂತೆ ಹೆಂಡತಿಯ ಮಾತು ನಿಂತಿತು. ಸಧ್ಯ ಸುಮ್ಮನಾದಳಲ್ಲಾ, ಅಂದು ಕೊಂಡು ಭಟ್ಟರು ಸೀದಾ ಗಾಡಿ ಹೊಡೆದುಕೊಂಡು ಮನೆಗೆ ಬಂದರು, ಆದರೆ, ಹಿಂದೆ ನೋಡಿದರೆ ಹೆಂಡತಿ ಇಲ್ಲ....ಭಟ್ಟರು ಕಂಗಾಲಾಗಿ ಗಾಡಿ ಹಿಂದೆ ಓಡಿಸಿದರು.
ಅರ್ಧ km ದೂರವಿದ್ದ police station ಎದುರು ಇವರ ಗಾಡಿಯನ್ನು ಸ್ನೇಹಿತನೇ ಆಗಿದ್ದ PSI ನಿಲ್ಲಿಸಿದ. "ಏನು ಭಟ್ಟರೇ, ವೈನಿಯನ್ನು station ಎದುರು ಕೆಡವಿ ಹೋಗಿದ್ದೀರಲ್ಲ, ಸದ್ಯ, ಪೆಟ್ಟೇನೂ ಆಗಿಲ್ಲ" ಅಂದ.
ಅಷ್ಟರಲ್ಲಿ ದುಮುಗುಡುತ್ತಿದ್ದ ಹೆಂಡತಿ ಬಂದು ಗಾಡಿ ಹತ್ತಿ ಕೂತು, "ನಡೀರಿ" ಎಂದು ಗದರಿದಳು. ಮನೆಗೆ ಬಂದ ನಂತರ ಭಟ್ಟರ ಗತಿ ಏನಾಗಿರ ಬೇಕು ಎಂಬುದನ್ನು ನೀವೇ ಯೋಚಿಸಿ.... 
ಏರು ತಗ್ಗುಗಳಿರುವ ದಾರಿಯಲ್ಲಿ
ಕುರುಡ ಕೈಮುಟ್ಟಿ, ಕೋಲಿನಲ್ಲಿ ತಟ್ಟಿ ತಟ್ಟಿ,
ನಿಧಾನವಾಗಿ ಸಾಗಿ, ಬೀಳದೆ ಗುರಿ ಮುಟ್ಟುತ್ತಾನೆ.
ಆದರೆ ಕಣ್ಣಿದ್ದ ಕುರುಡ, ಅಹಂಕಾರವೆಂಬ
ಅವಸರದಿಂದ ಮುನ್ನುಗ್ಗಿ ಎಡವಿ ಬಿದ್ದು
ಗುರಿ ಮುಟ್ಟುವುದರಲ್ಲಿ ಅಸಫಲನಾಗುತ್ತಾನೆ.
****ದಾರ್ಶನಿಕ
ಕೆಟ್ಟ ಮಾತಿನ ಚಾಟಿಯಿಂದ
ಆಗುವ ನೋವು, ಯಾವುದೇ
ಇತರ ಹರಿತವಾದ
ಆಯುಧದಿಂದ ಆಗುವುದಿಲ್ಲ.
*****ದಾರ್ಶನಿಕ

Tuesday, 16 December 2014

ತುಂಬಾ ಅರ್ಥಪೂರ್ಣವಾದ ಮಾತು.
ಈ ಬುದ್ಧಿವಂತಿಕೆಯಿದ್ದರೆ, ಇಲ್ಲದಿದ್ದರೆ
ಬೆಳಸಿಕೊಂಡರೆ, ಮನುಷ್ಯ ತನ್ನ ಎಲ್ಲಾ
ಕಾಲಮಾನಗಳಲ್ಲಿ, ಮುಖ್ಯವಾಗಿ
ವೃದ್ಧಾಪ್ಯದಲ್ಲಿ ಸುಖ ಮತ್ತು ನೆಮ್ಮದಿಯ
ಜೀವನ ನಡೆಸ ಬಹುದು.

Shiva and his family on a ride. Friend ಒಬ್ಬರ timeline ನಿಂದ download ಮಾಡಿದ್ದು. ಈಗ ಯಾರೆಂದು ನೆನಪಾಗ್ತಾ ಇಲ್ಲಾ. ಯಾರೂ, ದೇವರನ್ನು ಲೇವಡಿ ಮಾಡ್ತಿದ್ದಾರೆಂದು ತಿಳೀ ಬೇಡಿ, ಈ ರೀತಿಯ ವೇಷಗಳನ್ನು ಹಾಕಿಕೊಂಡು ಓಡಾಡುವುದು ನವರಾತ್ರಿಯಂಥ ಹಬ್ಬಗಳಲ್ಲಿ ಸಾಮಾನ್ಯ. ಅಂಥ ಕಲಾವಿದರಿಗೆ ಸ್ವಲ್ಪ ಮಟ್ಟಿನ ಹೊಟ್ಟೆಪಾಡು ಸಹ, ಯಾಕಂದರೆ ಖುಶಿಪಟ್ಟ ನೋಡುಗರು ಕಿಂಚಿತ್ ಹಣ ಸಹ ಕೊಡುತ್ತಾರೆ.

14.12.2014
ರೋಮಾಂಚನ.

ನಿನ್ನನಪ್ಪಿ ಬರಸೆಳದು
ಎದೆಗವಚಿಕೊಳ್ಳುವಾಸೆ,
ನಿನ್ನ ನಲಿವ ಮುಂಗುರಳಲಿ
ಬೆರಳಾಡಿಸಿ ಸುಖಿಸುವಾಸೆ,
ನಿನ್ನ ತುಂಬುಗೆನ್ನೆಗಳನ್ನು,
ಮಲ್ಲಗೆ ಹಿಂಡಿ ನಸುಗೆಂಪು
ಮಾಡುವ ತಡೆಯದ ತವಕ,
ನಿನ್ನ ಎಸಳು ಕಿವಿಗಳಲ್ಲಿ ಪಿಸುಗುಟ್ಟಿ
ಬಿಸಿಯುಸಿರ ಬಿಡುವ ಸವಿ ಬಯಕೆ,
ನಿನಗೆ ಎಲ್ಲೆಂದರಲ್ಲಿ ಕಚಗುಳಿಯಿಟ್ಟು,
ನಿನ್ನ ಕೆಂಪು ಚೆಂದುಟಿಗಳಲ್ಲಿ
ಕಲ್ಮಷವಿಲ್ಲದ ನಗುವರಳಿಸುವಾಸೆ,
ನಿನ್ನ ಗೋದಿಬಣ್ಣದ ಮಿದುಮೈಯ
ನವಿರಾಗಿ ಸವರಿ, ಸವರಿ,
ಹಿತ ರೋಮಾಂಚನಗೊಳ್ಳುವಾಸೆ.
ಮಗುವೇ, ನಿನ್ನ ಮುದ್ದಾದ ಕೆಂಪು
ಪಾದಗಳಿಂದ ಎದೆಗೊದೆಸಿಕೊಂಡು
ಧನ್ಯನಾಗುವೆ, ಬಳಿಗೆ ಬಾ ನನ್ನ ಕಂದ.
14.12.2014
ಮನುಷ್ಯನ ಜೀವನದಲ್ಲಿ
ಸುಖದ ಸಮಯವೆಂದರೆ,
ಅದು ಅವನು ನಿದ್ರಿಸುವ ಸಮಯವಷ್ಟೆ.
ಅದರಲ್ಲೂ, ನನಸಾಗದ ಸುಖದ
ಕನಸುಗಳು ಬೀಳುವ ಸಮಯ
ಅತ್ಯಂತ ಸುಖದ ಸಮಯ.
***ದಾರ್ಶನಿಕ.
ಸಾಮರಸ್ಯವಿಲ್ಲದ ಎರಡು
ಮನಸ್ಸುಗಳ ನಡುವಿನ
ದೂರವೇ ಈ ಪ್ರಪಂಚದಲ್ಲಿ
ಎಲ್ಲಕ್ಕಿಂತ ಹೆಚ್ಚಿನ ದೂರ.
****ದಾರ್ಶನಿಕ

12.12.2014

ಸಂತೋಷ 

ಸಂತೋಷವೇ ಜೀವನ,
ಹೃದಯ ತುಂಬಿ ಬರುವ
ನಗುವೇ ನಮ್ಮೀ ಜೀವನದಲ್ಲಿ
ಅರಳುವ ಹೂವುಗಳು,
ಮುದ್ದು ಮಕ್ಕಳೇ ಸಿಹಿ ಫಲಗಳು.
ನಶ್ವರವಾದ ಈ ಬದುಕನ್ನು
ಕಳೆಯೋಣ ನಗು ನಗುತ್ತಾ
ಇದ್ದಷ್ಟು ದಿನ ಎಂದುಕೊಂಡರೆ,
ಸುಖದ ಬದುಕು ಬೆಳೆಯುತ್ತದೆ
ಮತ್ತಷ್ಟು, ಮತ್ತಷ್ಟು, ಇನ್ನಷ್ಟು ದಿನ.
11.12.2014

Wednesday, 3 December 2014

ಆ ಕಣ್ಣು....
ಅವಳು ಇವನ
ಕಡೆ ನೋಡಿ
ಕಣ್ಣು ಮಿಟುಕಿಸಿ
ಕೆನ್ನೆ ತೋರಿಸಿದಳು.
ತಬ್ಬಿಬ್ಬಾದ,
ಕಣ್ಣು ಹೊಸಕಿಕೊಂಡು
ಮತ್ತೊಮ್ಮೆ ನೋಡಿದ,
ಹೌದು, ಕಣ್ಣು ಮಿಟುಕಿಸಿದಳು
ಮತ್ತೊಮ್ಮೆ !!!!
ಬಂತವನಿಗೆ ಎಲ್ಲಿಲ್ಲದ
ಧೈರ್ಯ.....
ಹೆಜ್ಜೆಯ ಮೇಲೆ
ಹೆಜ್ಜೆಯಿಟ್ಟು ಮುಂದುವರೆದು
ಬರಸೆಳೆದು ತಬ್ಬಿ
ಕೆನ್ನೆಗೊಂದು ಇಕ್ಕಿಯೇ ಬಿಟ್ಟ.
ಗರಕ್ಕನೆ ತಿರುಗಿದ ಕನ್ಯೆ
ಉರಿ ನೋಟ ಬೀರಿ
ಇಕ್ಕಿದಳು ಇವನ
ಕೆನ್ನೆಗೊಂದು ಏಟು..
ಕೆಂಪೇರಿದ ಕೆನ್ನೆ ಸವರಿಕೊಂಡು
ಹಿಂತಿರುಗಿ ನೋಡದೆ
ಅಲ್ಲಿಂದ ಓಟ ಕಿತ್ತ..... !!!!
ಅವನಿಗೇನು ಗೊತ್ತು, ಪಾಪ
ಅವಳ ಕಣ್ಣೇ
ಮಿಟುಕು ಕಣ್ಣೆಂದು... 
03.12.2014.
ಗೊತ್ತಿಲ್ಲ.
ನೀನು ಯಾರು?
ಗೊತ್ತಿಲ್ಲ,
ನಿನ್ನ ಊರು ಯಾವುದು?
ತಿಳಿಯದು.
ನೀನಿರುವುದು ಎಲ್ಲಿ?
ಗೊತ್ತಿಲ್ಲ.
ಎಲ್ಲಿಗೆ ಹೊರಟಿರುವೆ?
ಅದೂ ತಿಳಿಯದು!
ಮತ್ತೆ? ಮುಂದೇನು?
ಮುಂದೇನು ಅಂದರೆ.....
ಈ ದಾರಿಯೊಂದೇ ನನ್ನದು,
ಇದೇ ನನ್ನ ಗುರಿಇಲ್ಲದ ಪಯಣ
ಮಸಣದವರೆಗೆ ಯಾತ್ರೆ.
03.12.2014

Tuesday, 2 December 2014

ತಾತ, ನಿನ್ನ ಆರೋಗ್ಯ ಹೇಗಿದೆ ನೋಡ್ತೀನಿ, ಇರು....... 
Happiness is Bliss,
Hearty laughter is Heaven,
Lively mood is a boon
Beauty is a feast to eyes.
ಕನಸು - ನನಸು

ಇರುಳು ಸರಿಯಿತು
ಕನಸು ಹರಿಯಿತು
ಕನಸು ನನಸಾಗದೆ
ವಾಸ್ತವ ಎದುರಾಯಿತು
ಕಾಣುವಂತಿಲ್ಲ
ಹಗಲಿನಲಿ ಕನಸು
ಎದುರಿಸಲೇಬೇಕು
ನೈಜದ ನನಸು
ಕಾಯಲೇ ಬೇಕು
ಇರುಳಿನ ನಿದಿರೆಯ
ಕಾಣಲು ಮತ್ತೆ
ಮೋಸದ ಕನಸು
ಸವಿಗನಸುಗಳು
ನನಸಾದರೆಷ್ಟು ಚೆಂದ
ಆ ಭಾಗ್ಯ ಯಾರಿಗೂ
ಇರದು ನೆನಪಿರಲಿ ಎಂದೂ.
*********
29.11.2014

Friday, 28 November 2014

ಇನಿಯ ಬಾರನು ಇಂದು.

ಆಕಾಶಮಲ್ಲಿಗೆಗಳು
ಅರಳಿ ಮಿನುಗುತಿದ್ದವು
ಗಗನದ ಉದ್ದಗಲಕ್ಕೂ
ಕಪ್ಪು ಹಾಸಿನ,
ಬಾನಂಗಳದಲ್ಲಿ ರಂಗೋಲಿಯ.
ಬಿಳಿ ಚಿತ್ತಾರ ಬಿಡಿಸಿ
ನೈದಿಲೆ ಹುಡುಕುತಿದ್ದಳು
ಕಣ್ಣರಳಿಸಿ ಕೈಹಿಡಿದು
ತನ್ನಿನಿಯ ಕಾಣನೆಂದು
ಮರೆತೇ ಹೋಗಿದೆಯವಳಿಗೆ
ಅಂದು ಚಂದಿರನಿಗೆ ರಜೆ
ಇನಿಯ ಬಾರನು ಎಂದು.
**************
28.11.2014

Thursday, 27 November 2014

ಮುಪ್ಪು 

"ನೆಮ್ಮದಿ, ತೃಪ್ತಿ ಹಾಗೂ ಸಂತೋಷವಿಲ್ಲದ ಜೀವನದಿಂದ
ಮುಪ್ಪು ಬಹಳ ಬೇಗ ಆವರಿಸುತ್ತದೆ"
***ದಾರ್ಶನಿಕ
(ಆದುದರಿಂದ, ಇದ್ದುದರಲ್ಲಿ ನೆಮ್ಮದಿ ಮತ್ತು ತೃಪ್ತಿ,
ಲಭ್ಯವಿದ್ದುದರಲ್ಲಿ ಸಂತೋಷ ಕಂಡುಕೊಂಡು, ಮುಪ್ಪನ್ನು ಆದಷ್ಟು ದೂರವಿಡಲು ಪ್ರಯತ್ನಿಸೋಣ.)

27.11.2014
ರಾಜಕಾರಿಣಿಯ ಜೋಕ್ .

26.11.2014
ನಮ್ಮ ಪ್ರಾಮಾಣಿಕತೆ ಬಗ್ಗೆ
ನಮಗೆ ಖಾತ್ರಿ ಇರುತ್ತದೆ.
ಆದರೆ, ಇತರರು ನಮ್ಮ
ಪ್ರಾಮಾಣಿಕತೆಯನ್ನು
ಶಂಕಿಸಿದಾಗ ಬೇಸರವಾದರೂ
ಅವರ ಶಂಕೆ ಸಹಜ. ಅವರಿಗೇನು
ಗೊತ್ತು ನಾವು ಪ್ರಾಮಾಣಿಕರೆಂದು?
***ದಾರ್ಶನಿಕ

26.11.2014
Love and Wisdom

Heart is empty without Love,
Mind is empty without wisdom"
******

26.11.2014
Santa  Banta Joke


ಸರ್ದಾರ್ ಸಂತಾ ಸಿಂಗ್ ನ ನೆಟ್ ಬ್ಯಾಂಕಿಂಗ್ ನ password ಈ ರೀತಿ ಇತ್ತು 
ram-sita-laxman-hanuman-ravan-delhi-kejrival
ಬಂತಾ ಸಿಂಗ್ ಕೇಳ್ದ: ಉತ್ನ ಲಂಬೀ ಕ್ಯೊ ?
ಸಂತಾ ಸಿಂಗ್:ಬ್ಯಾಂಕ್ ವಾಲೆ ಕಹ್ತೆ ಹೈಪಾಸ್ ವರ್ಡ್ ಮೇ 5 ಕ್ಯಾರಾಕ್ಟರ್ ಔರ್ ಏಕ್ ಕ್ಯಾಪಿಟಲ್ ಹೋನ ಚಾಹಿಯೇ
ಬಂತಾ ಸಿಂಗ್ :ವಹ್ ಸಬ್ ಟೀಕ್ ಹೈ ಲೇಕಿನ್ 'ಕ್ರೇಜಿ' ಅಂಕಲ್ ಕ್ಯೊ ?
ಸಂತಾ ಸಿಂಗ್ :ಏಕ್ ಸ್ಪೆಷಲ್ ಕ್ಯಾರಕ್ಟರ್ ಭೀ ಜರೂರ್ ಹೈ


***********

25.11.2014
ಬತ್ತಳಿಕೆಯಲ್ಲಿರುವ ಬಾಣಗಳನ್ನೆಲ್ಲ
ಒಂದೇ ಸಲ ಖಾಲಿ ಮಾಡಿ ಬಿಡಬಾರದು.
ಮುಂದಿನ ಸಂದರ್ಭಕ್ಕಾಗಿ
ಕೆಲವನ್ನಾದರೂ ಉಳಿಸಿ ಕೊಳ್ಳಬೇ
ಕು.
*****ದಾರ್ಶನಿಕ.

25.11.2014
ನಿಸರ್ಗದ ರಮಣೀಯತೆಯ ನಡುವೆ ದೋಣಿಯ ಮೇಲೆ
ಯಕ್ಷಗಾನದ ಕಲಾತ್ಮಕ ವಿನೂತನ ಪ್ರಯೋಗ.........
....
(ಇಂದಿನ ವಿಜಯಕರ್ನಾಟಕದಲ್ಲಿನ ಚಿತ್ರ)

25.11.2014
ಈ ಪ್ರಪಂಚದಲ್ಲಿ ಅತೀ
ಕೆಟ್ಟ ಜಗಳವೆಂದರೆ ಅದು
ಗಂಡ ಹೆಂಡತಿಯರು
ಉಂಡು ಮಲಗಿದ ನಂತರ
ಆಡುವ ಜಗಳ....... 
***ದಾರ್ಶನಿಕ

25.11.2014
ಇಂದಿನ "ವಿಜಯವಾಣಿ" ಯಲ್ಲಿ - ಅತ್ಯಂತ ವಾಸ್ತವಿಕವಾದ ಹೋಲಿಕೆ ಮತ್ತು ಸಂದೇಶ.

24.11.2014
ಕುವೆಂಪುರವರ ಜನಪ್ರಿಯ ಕವನ. (ಇಂದಿನ ವಿಜಯ ಕರ್ನಾಟಕದಲ್ಲಿ ಪ್ರಕಾಶಿತ)

23.11.2014
Stay Dog Corner
A cowboy orders a beer at a bar. When he is ready to leave, he finds his horse missing.He shouts, “If I don't get my horse back after my next beer I am gonna do what I did in Georgia.“ He finishes his beer, goes out and sees his horse there. He gets on it and is about to leave when the bartender shouts out from the window, “But what did you do in Georgia?“ The cowboy replies, “I had to walk home.“
(Stray humour, author unknown)

23.11.2014
ಬೇರೆಯವರಿಗೆ ಉಪದೇಶ
ಮಾಡುವ ವ್ಯಕ್ತಿಯ ಸ್ವಂತ
ಚಾರಿತ್ರ್ಯ ಸರಿಯಾಗಿರಬೇಕು
ಹಾಗಿದ್ದರಷ್ಟೇ ಉಪದೇಶಕ್ಕೆ
ಬೆಲೆ ಇರುತ್ತದೆ.
***ದಾರ್ಶನಿಕ

Saturday, 22 November 2014

ನನ್ನ ನಲ್ಲೆ ಹೀಗಿರ ಬೇಕು....
*************************
ಅವಳ ಕಡೆಗಣ್ಣ ನೋಟ
ಬೆಚ್ಚಿ ಬೀಳಿಸಿತು ಅವನ,
ಅವಳು ಕಣ್ಣು ಮಿಟುಕಿಸಿದಾಗ
ಬವಳಿಯೆ ಬಂದಿತು ಅವನಿಗೆ.
ಅವಳ ಮುಡಿಯ ಮಲ್ಲಿಗೆಯ
ಪರಿಮಳ ಮತ್ತೇರಿಸಿತು,
ಬಳುಕಿ ಅವಳು ಬರುತಿರೆ
ನವಿಲು ನೆನಪಾಯಿತು,
ಸೀರೆಯ ಹೊಳಪಿನ ನಿರಿಯಲ್ಲಿ
ಮಿಂಚಿ ಮಿನುಗಿ ಮಿನುಗಿ
ಮರೆಯಾಗುವ ಕೆಂಪು ಪಾದಗಳು
ಕಮಲ ದಳಗಳ ನೆನಪಿಸಿದವವನಿಗೆ
ನನ್ನ ನಲ್ಲೆಯೂ ಹೀಗಿರಬೇಕು
ಅವಳಲ್ಲಿ ಒಲುಮೆಯ ಕೊಡವೂ
ತುಂಬಿ ಹರಿದಿರ ಬೇಕು
ಎಂದು ಕನಸುಗಳ ಕಂಡ ನಿಂತಲ್ಲೇ.....  
++++++++
21.11.2014
ಸಿಟ್ಟಿಗೆದ್ದು, ವಿರೋಧಿಸಬೇಕೆಂದು
ವಿರೋಧಿಸುವ ಬದಲು, ನಮ್ಮ
ತಪ್ಪಿದ್ದಲ್ಲಿ ಒಪ್ಪಿಕೊಂಡು, ಅಥವಾ ಎದುರಾಳಿಯ
ತಪ್ಪಿದ್ದಲ್ಲಿ ತಿಳಿಸಿ ಹೇಳಿ, ಸನ್ನಿವೇಶವನ್ನು
ತಿಳಿಗೊಳಿಸಿಕೊಂಡರೆ, ಸಂಬಂಧಗಳನ್ನು
ಉಳಿಸಿ ಕೊಳ್ಳ ಬಹುದು.
*******ದಾರ್ಶನಿಕ
ಮನುಷ್ಯ ಕಾಯಿಲೆಯಿಂದ
ಹಾಸಿಗೆ ಹಿಡಿದು ಮಲಗಿದಾಗ
ಬೇಸರಿಸದೆ, ಸಂತೋಷದಿಂದ
ಅವನ/ಅವಳ ಸೇವೆ ಮಾಡುವುದೇ
ನಿಜವಾದ ಪ್ರೀತಿ.
*** ದಾರ್ಶನಿಕ.

Sunday, 16 November 2014

Who is Normal person?

A journalist goes to a Mental Hospital to interview the doctor there.
.
He asks the doctor: How do you determine whether to admit a mental patient or not?
Doctor: Well, we'd fill a bathtub with water and then give a teaspoon, a glass and a bucket to the patient and ask them to empty the bathtub.
Journalist: Oh, obviously a normal person would use the bucket because it's bigger.
Doctor: No, a normal person would pull the drain plug! Please go to bed No.39. We will start further investigations on you!
( Stray humour, author unknown)
(P.S.:- How many of us are normal persons, of course, sincerely,. .......  ?)
Like16.11.2014

Friday, 14 November 2014

ಗಾಳಿ ಪಟ
ಸೂತ್ರ ಹರಿದ
ಗಾಳಿ ಪಟ,
ಗಾಳಿ ಒಯ್ದತ್ತ
ಪಯಣ.
ಎತ್ತಲೋ ಏನೋ
ಗೊತ್ತೂ ಇಲ್ಲ
ಗುರಿನೂ ಇಲ್ಲ,
ಬರೀ ಶೂನ್ಯ ಆಗಸ
ಬಿರುಸು ಉರಿ ಬಿಸಿಲು
ಹಾರುತಿದ್ದ ಹಕ್ಕಿಗಳು
ಕೇಳಿದವು
ಎಲ್ಲಿಗೆ ಪಯಣ?
ಹಾರಿತು ಪಟ
ಉತ್ತರಿಸಲೆನಗೆ
ಸಮಯವಿಲ್ಲವೆಂದು.
ಚೆದುರಿದ ಮೋಡಗಳು
ಕೇಳಿದವು ಎತ್ತ
ಹಾರಿ ಹೊರಟಿ ಎಂದು,
ಮಾತನಾಡದೆ ಹಾರಿತು
ಗಾಳಿಯ ಹೆಗಲನೇರಿ
ಸಮಯವಿಲ್ಲವೆಂದು.
ಸೂತ್ರವೂ ಇಲ್ಲ,
ಸೂತ್ರಧಾರನೂ ಇಲ್ಲ,
ಗೊತ್ತು ಗುರಿ
ಮೊದಲೇ ಇಲ್ಲ
ಹಾರಿ ಹಾರಿ
ನೀಲಾಕಾಶದ
ಶೂನ್ಯಾನಂತದಲ್ಲಿ
ಮರೆಯಾಗಿ ಹೋಯಿತು.
14.11.2014
LikeLike ·  · 

Tuesday, 11 November 2014

ಕಾಯಿಲೆ ಮಲಗಿದರೆ
ನೋಡುವವರು ಬೇಕು,
ಸತ್ತು ಮಲಗಿದರೆ
ಹೊತ್ತೊಯ್ಯವವರು ಸಾಕು.
***ದಾರ್ಶನಿಕ
ಬುಗುರಿ
ತಿರುಗ್ತಾ ಇದೆ ಬುಗುರಿ,
ಆದರೊಮ್ಮೆ ನಿಂತೇ ನಿಲ್ಲತ್ತ,
ಕಳೆದು ಕೊಂಡು ಗತಿ ಒರಗಿ
ಮತ್ತೆ ತಿರುಗಲು ಬೇಕೇ ಬೇಕು,
ಸೂತ್ರಧಾರನ ಕೈಚಳಕ,
ಅವನೇ ಈ ಜಗದ ದಂಡನಾಯಕ.
04.11.2014
ಹೃದಯ ಸೌಂದರ್ಯ.

ಸುಂದರವಾದ ಹುಡುಗಿ
ಸುಂದರವಾದ ಹುಡುಗ
ಎನ್ನುತ್ತಾರೆ, ಆದರೆ
ಸುಂದರವಾದ ಮುದುಕಿ
ಅಥವಾ ಮುದುಕ ಅನ್ನುವುದಿಲ್ಲ.
ಹೀಗೇಕೆ? ವಯಸ್ಸಾದಂತೆ
ಸೌಂದರ್ಯ ಮಾಸಿ ಹೋಗುತ್ತದೆಯೇ?
ಕಣ್ಣಿಗೆ ಕಾಣುವ ಸೌಂದರ್ಯ
ಮಸುಕಾದರೂ, ಮಾಸದ
ಹೃದಯ ಸೌಂದರ್ಯ
ಇನ್ನೊಂದು ಹೃದಯಕ್ಕೂ ಕಾಣದೊಲ್ಲದೆ?
05.11.2014
ಸಾಲುಗಳು ಚೆನ್ನಾಗಿಯೂ ಇವೆ, ತಮಾಷೆಯಾಗಿಯೂ ಇವೆ.
ಆದರೆ, ಕೊನೆಯ ಸಾಲಿನಲ್ಲಿರುವ "ದಾನ" ವನ್ನು ಸಜ್ಜನರಿಗೆ/ಅಗತ್ಯವಿರುವವರಿಗೆ
ಮಾಡಿದ ದಾನವೆಂದು ಅರ್ಥೈಸಿಕೊಳ್ಳ ಬೇಕು.........
ಶಿಕ್ಷಕರಿಗೆ ಇಷ್ಟೊಂದು ಕೆಲಸಾನಾ......
"ಒಂದು ಕತೆ ಹೇಳ್ತೀರಾ ಟೀಚಾ...."
"ಸ್ವಲ್ಪ ತಡಿಯೇ, .....ಇವತ್ತು ಬೇರೆ ಕೆಲಸ ಇದೆ
ಅವನ್ನೆಲ್ಲ ಮುಗಿಸಿದ ನಂತ್ರ ಹೇಳ್ತೇನೆ...ಆಯ್ತಾ...."
......
.......
........
:ಇವತ್ತು ಹೇಳ್ತೀರಾ ಟೀಚಾ......?"
"ಇವತ್ತೂ ಆಗುವುದಿಲ್ಲ ಮಗೂ.....ನಾಳೆ ನೋಡುವ"
.......
.......
"ಇವತ್ತು....?"
"ಸಾರಿ ಮಗು. ಇನ್ನೂ ಕೆಲಸ ಮುಗ್ಡಿಲ್ಲ"
"ನಿಮ್ಮ ಕೆಲಸ ಮುಗಿಯುವುದು ಯಾವಾಗ ಟೀಚಾ......?"
"ಈ ಪಟ್ಟಿಯಲ್ಲಿರುವ ಕೆಲಸಗಳೆಲ್ಲಾ ಮುಗಿದ ಬಳಿಕ ಮಗೂ...."
"ಯಾವ ಪಟ್ಟಿ ಟೀಚಾ.....?"
"ಈ ಪಟ್ಟಿ ಮಗೂ
ಅಕ್ಷರ ದಾಸೋಹ
ಕ್ಷೀರ ಭಾಗ್ಯ
ಸುವರ್ಣ ಆರೋಗ್ಯ ಚೈತನ್ಯ
ಸೈಕಲ್ ವಿತರಣೆ
ಪಟ್ಯ ಪುಸ್ತಕ ವಿತರಣೆ
ಬ್ಯಾಗ್ ವಿತರಣೆ
ಚಿಣ್ಣರ ಅಂಗಳ
ಕೂಲಿಯಿಂದ ಶಾಲೆಗೆ
ಶಾಲಾ ಪ್ರಾರಂಭೋತ್ಸವ
ದಾಖಲಾತಿ ಆಂದೋಲನ
ಶಾಲೆ ಬಿಟ್ಟ ಮಕ್ಕಳ ಮನೆ ಭೇಟಿ
ಎಸ್.ಡಿ.ಎಂ.ಸಿ ರಚನೆ
ಕಟ್ಟಡ ಕಾಮಗಾರಿ
ಸಮುದಾಯದತ್ತ ಶಾಲೆ
ಶಾಲಾ ವಾರ್ಷಿಕೋತ್ಸವ
ಪ್ರಗತಿಪತ್ರ ತುಂಬುವುದು
ಪಾಠ ಯೋಜನೆ
ಪಾಠ ಬೋಧನೆ
ಕ್ರಿಯಾ ಯೋಜನೆ
ಕ್ರಿಯಾ ಸಂಶೋಧನೆ
ಶೈಕ್ಷಣಿಕ ಯೋಜನೆ
ದಾಖಲೆ ನಿರ್ವಹಣೆ
ಡಾಟಾ ಎಂಟ್ರಿ
ಮಕ್ಕಳಿಗೆ ಬ್ಯಾಂಕ್ ಖಾತೆ ತೆರೆಯುವುದು
ವಿದ್ಯಾರ್ಥಿ ವೇತನ
ಸಮನ್ವಯ ಶಿಕ್ಷಣ
ಜನಗಣತಿ
ಜಾತಿ ಗಣತಿ
ಚುನಾವಣಾ ಕಾರ್ಯ
ಬಿ.ಎಲ್.ಓ. ಕೆಲಸ
ಗುಳಿಗೆ ಹಂಚಿಕೆ
ಸಮಾಲೋಚನ ಸಭೆ
ಎಸ್.ಡಿ.ಎಂ.ಸಿ. ಸಭೆ
ಪಾಲಕರ ಸಭೆ
ಶಿಕ್ಷಕರ ಸಭೆ
ಪುನಶ್ಚೇತನ ತರಬೇತಿ
ಬ್ರಿಟಿಷ್ ಕೌನ್ಸಿಲ್ ತರಬೇತಿ
ಹೊರ ಸಂಚಾರ
ಕ್ಷೇತ್ರ ಸಂದರ್ಶನ
ಶೈಕ್ಷಣಿಕ ಪ್ರವಾಸ
ಜಿಲ್ಲಾ ದರ್ಶನ
ಸೇತುಬಂಧ
ಪರಿಹಾರ ಬೋಧನೆ
ಪೂರಕ ಬೋಧನೆ
ನಲಿ ಕಲಿ
ಕಲಿ ನಲಿ
ಚೈತನ್ಯ ಮಾದರಿ
ಟಿ.ಎಲ್.ಎಂ. ತಯಾರಿ
ಚಿಣ್ಣರ ಚುಕ್ಕಿ
ಚುಕ್ಕಿ ಚಿಣ್ಣ
ಕೇಳಿ ಕಲಿ
ಕ್ರೀಡಾ ಮೇಳ
ಪ್ರತಿಭಾ ಕಾರಂಜಿ
ಕಲಿ ಕೋತ್ಸವ
ಮೆಟ್ರಿಕ್ ಮೇಳ
ವಿಜ್ಞಾನ ಮೇಳ
ಸಾಂಸ್ಕೃತಿಕ ಕಾರ್ಯಕ್ರಮ
ಸೈನ್ಸ್ ಇನ್ಸ್ಪೈರ್ ಅವಾರ್ಡ್
ಪೂರಕ ಪರೀಕ್ಷೆ
ನೈದಾನಿಕ ಪರೀಕ್ಷೆ
ಸಿ ಸಿ ಇ ಪರೀಕ್ಷೆ
ಘಟಕ ಪರೀಕ್ಷೆ
ಮೊರಾರ್ಜಿ ದೇಸಾಯಿ ಪ್ರವೇಶ ಪರೀಕ್ಷೆ
ಆದರ್ಶ ವಿದ್ಯಾಲಯ ಪ್ರವೇಶ ಪರೀಕ್ಷೆ
ಕಸ್ತೂರಿ ಬಾ ಬಾಲಿಕಾ ವಿದ್ಯಾಲಯ ಪ್ರವೇಶ ಪರೀಕ್ಷೆ
ನವೋದಯ ಪ್ರವೇಶ ಪರೀಕ್ಷೆ
ಎಸ್,ಟಿ.ಎಸ್. ಪರೀಕ್ಷೆ
ಎನ್.ಎಮ್.ಎಮ್.ಎಸ್. ಪರೀಕ್ಷೆ
ಗಣರಾಜ್ಯೋತ್ಸವ
ಸ್ವಾತಂತ್ರ್ಯೋತ್ಸವ
ಹೈ.ಕ. ವಿಮೋಚನಾ ದಿನಾಚರಣೆ
ಯುವಕರ ದಿನಾಚರಣೆ
ಶಿಕ್ಷಕರ ದಿನಾಚರಣೆ
ಪರಿಸರ ದಿನಾಚರಣೆ
ಸಾಕ್ಷರತಾ ದಿನಾಚರಣೆ
ವಿಜ್ಞಾನಿಗಳ ದಿನಾಚರಣೆ
ರಾಷ್ಟ್ರೀಯ ಶಿಕ್ಷಣ ದಿನಾಚರಣೆ
ಭೂ ದಿನಾಚರಣೆ
ಗಾಂಧಿ ಜಯಂತಿ
ಕನಕ ಜಯಂತಿ
ಬಸವ ಜಯಂತಿ
ಅಂಬೇಡ್ಕರ್ ಜಯಂತಿ
ಕನ್ನಡ ರಾಜ್ಯೋತ್ಸವ
ಬಾಬು ಜಗಜ್ಜೀವನ್ ರಾಂ ದಿನಾಚರಣೆ
ವನ ಮಹೋತ್ಸವ
ಮಕ್ಕಳ ದಿನಾಚರಣೆ
ಬಿಸಿಯೂಟ
ಶೌಚಾಲಯ ನಿರ್ವಹಣೆ.
........
...........
..........
"ನನಗೆ ನಿಮ್ಮ ಕತೆಯೆಲ್ಲ ಬೇಡ ಟೀಚಾ......."
***************
(ಇದು ಇಂದಿನ ಪ್ರಜಾವಾಣಿಯಲ್ಲಿ ಬಂದ ಒಂದು ಬರಹ. ಇದನ್ನು ಗ್ಯಾಲಕ್ಸೀ ಟಾಬ್‌ನಲ್ಲಿ newshunt
application ನಲ್ಲಿ ಓದಿದೆ. ಎರಡು ಕಾರಣಕ್ಕೆ ತಲೆ ಬಿಸಿಯಾಯಿತು. ಒಂದು - ಶಿಕ್ಷಕರಿಗೆ ಇಷ್ಟೊಂದು ಕೆಲಸವಾದರೆ ಮಕ್ಕಳ ಗತಿಯೇನು ಅಂತ, ಎರಡು - ಇಷ್ಟೊಂದು items ನ್ನ ಒಟ್ಟು
ಮಾಡಿ ಬರೆದ ಪುಣ್ಯಾತ್ಮನ ತಲೆಯಲ್ಲಿ ಅದೆಷ್ಟು ತಾಳ್ಮೆ ಇರಬಹುದು ಅಂತ...........
ಹಾಗೇನೇ, ನೀವುಗಳು ಸಹ ತಾಳ್ಮೆಯಿಂದ ಓದಿ.......ಯೋಚಿಸುವಷ್ಟರಲ್ಲಿ ಬೆಳಗೂ ಆಗ ಬಹುದು...
ಆದ್ದರಿಂದ, ಎಲ್ಲರಿಗೂ ಈಗಿನ ಶುಭರಾತ್ರಿ........ಮತ್ತು ನಾಳೆ ಬೆಳಗಿನ ಶುಭೋದಯ......ಒಂದೇ ಸಲ ಹೇಳುತ್ತೇನೆ.....  )
ನಗು.
ಹೃದಯದಲ್ಲಿ ಅದೆಷ್ಟು ದು:ಖ, ದುಗುಡ,
ದುಮ್ಮಾನಗಳಿದ್ದರೂ, ಮುಖವಾಡದ ನಗು ಮುಖ
ಸಹ, ನಮ್ಮ ನಮ್ಮ ಆರೋಗ್ಯಕ್ಕೆ ಒಳ್ಳೆಯದಂತೆ.
ಹಾಗೆಂದು ನಗಲು ಸಮಯ ಸಂದರ್ಭ
ನೋಡಿಕೊಳ್ಳಿ. ರಸ್ತೆಯಲ್ಲಿ ಒಬ್ಬರೇ ಹೋಗುವಾಗ
ಸಹ, ಏನಾದರೂ ನೆನಸಿಕೊಂಡು ನಗ ಬೇಡಿ
ನೋಡಿದ ಜನರು, ಬೇರೆ ಏನಾದರೂ ಹೆಸರು ಇಟ್ಟಾರು....... 

*ದಾರ್ಶನಿಕ.

11.11.2014

Thursday, 6 November 2014

ಮೋಸ ಹೋಗುವವರು ಇರುವವರೆಗೂ
ಮೋಸ ಮಾಡುವವರು ಇರುತ್ತಾರೆ.
-----ಸುಭಾಷಿತ.

24.10.2014

Saturday, 1 November 2014


Intelligent Husband.

Use your brains and Laugh....... 
"A woman was arrested for shop lifting. In court Judge asked her, 'what did you steel?'. She replied, 'A can of peaches'.
The judged asked 'how many peaches were there in the can?'. She replied 'five'
Then the Judge said, 'I will give you 5 days in jail'.
Just then, woman's husband spoke up: 'Your honour, she also stole a can of peas' "
**----**

01.11.2014
Face Book Postings.


ಫೇಸ್ ಬುಕ್ ಚಿಕ್ಕ ತಮಾಷೆಯ ವಿಷಯಗಳನ್ನು
ಹಿಡಿದುಕೊಂಡು ಹರಟೆ ಹೊಡೆಯಲು ಹೆಚ್ಚಾಗಿ
ಉಪಯೋಗ ಆಗುತ್ತಿದೆ ಅನ್ನಿಸುತ್ತದೆಯಲ್ಲವೇ?
ಎದುರು ಬದುರು ಕೂತು ಹರಟೆ ಹೊಡೆಯಲು
ಆಗದವರು, ಎಲ್ಲೆಲ್ಲೋ ಕೂತು ಈ ಮಾಧ್ಯಮದ
ಮೂಲಕ ಹರಟೆ ಹೊಡೆದು ಟೈ ಪಾಸ್ ಮಾಡಲು
ಸಾಧ್ಯವಾಗಿರುವುದು ವಿಶೇಷವಲ್ಲವೇ? ಇದು
ತಪ್ಪೇನೂ ಅಲ್ಲ. ಆರೋಗ್ಯಕರವಾದ ಹರಟೆ ಸಹ ಖುಶಿ ಕೊಡುತ್ತೆ.


31.10.2014