Friday 23 January 2015

ನವ್ಯ ಕವಿತೆ
ಚಿತ್ರ ವಿಚಿತ್ರ ಪದ ಪುಂಜಗಳು
ಓರೆ ಕೋರೆ ಸಾಲುಗಳು,
ಅರ್ಥವೇ ಆಗಲೊಲ್ಲದು,
ಬಲ್ಲವರೆಂದು ಕೊಳ್ಳುವವರೊಬ್ಬರು
ಇವನ ಪೆದ್ದುತನಕ್ಕೆ ನಕ್ಕರು,
ಪದೇ ಪದೇ ಓದು
ಅರ್ಥ ಆಗುತ್ತೆ ಅಂದರು!
ಪದೇ ಪದೇ ಓದಿದ,
ಹಿಂದು ಮುಂದಾಗಿ ಓದಿದ,
ಮುಂದು ಹಿಂದಾಗಿ ಓದಿದ,
ತಲೆ ಕೆರೆದುಕೊಂಡು ಓದಿದ,
ಕಣ್ಣು ಕಿರಿದಾಗಿಸಿ ನೋಡಿದ,
ಆದರೂ, ಅರ್ಥವೇ ಆಗದೆ ತೊಳಲಿದ
ಕೊನೇಗೆ, ...ಹೋಗಲಿ ಬಿಡು
ಇದು ನವ್ಯ ಕವಿತೆಯಿರಬೇಕು
ನನ್ನಂಥ ಪಾಮರನಿಗೆ
ಅರ್ಥವಾಗದಂಥದ್ದಿರಬೇಕು
ಎಂದುಕೊಂಡು ತಲೆ ಕೊಡವಿ
ಮಲಗಿ, ಬಿದ್ದ ಕನಸುಗಳಲ್ಲೇ
ಕವಿತೆಯ ಅರ್ಥ ಕಂಡು ಖುಶಿಯಾದ.

24.01.2015.... smile emoticon

No comments:

Post a Comment