ಶೋಷಣೆ.

ಹಳೇ ಕಜ್ಜಿ ನಾಯಿಯನ್ನು
ಅಟ್ಟಿಸಿಕೊಂಡು ಹೋದವು
ಸೊಕ್ಕಿನ ಗಟ್ಟಿ ನಾಯಿಗಳೈದು,
ಓಡಿತಾ ನಾಯಿ, ಓಡಿ ಓಡಿ
ಸುಸ್ತಾಯಿತು, ತಾಳಲಾರದೆ
ಮುಂದೆ ತಡೆ ಗೋಡೆ,
ಇನ್ನೂ ಓಡಲು ಜಾಗವಿಲ್ಲ.....

ಕೊನೆಗೆ ಅದಕ್ಕೂ ಉಕ್ಕಿತು ರೋಷ,
ಪ್ರತಿಭಟಿಸಿಯೇ ಸಾಯಬೇಕೆಂದು,
ಕೆರಳಿ ಹಿಂತಿರುಗಿತು, ವಿಕಾರವಾಗಿ
ಬೊಬ್ಬಿರಿದು ಬೆದರಿಸಿತು,
ಓಡಿದರು ಶೋಷಕರು
ಬಾಲ ಮುದುರಿ ಎದ್ದು ಬಿದ್ದು,
ತಾವು ಹಿಂತಿರುಗಿ ಹೆದರಿ.

ಶೋಷಕರೇ ಎಚ್ಚರವಿರಲಿ,
ಶೋಷಿತರು ಸಹನೆ ಕಳೆದು
ತಿರುಗಿ ಬಿದ್ದಾರು ಒಂದು ದಿನ,
ಆ ದಿನ ನಿಮಗಾದೀತು
ಅತಿ ಕೆಟ್ಟ ದಿನ, ಮಹಾ ದುರ್ದಿನ.

16.08.2014(