ತ್ಯಾಗ.

ಇದ್ದಕ್ಕಿದ್ದಂತೆ ಒಂದು ಯೋಚನೆ ಬಂತು,
ನಿಜವಾದ ತ್ಯಾಗ ಜೀವಿಗಳು ಯಾರು ಅಂತ.
ಜೀವ ಇರುವ ತ್ಯಾಗಿಗಳಾರೂ ನೆನಪಿಗೆ ಬರಲಿಲ್ಲ. ಬೇರೆಯವರಿಗೋಸ್ಕರ ತಮ್ಮ ಜೀವನ ಸವೆಸಿ ಕೊನೆಗೆ ತಾವೇ ನಶಿಸಿ ಹೋಗುವ ಎರಡು ನಿರ್ಜೀವ ವಸ್ತುಗಳು ನೆನಪಿಗೆ ಬಂದವು.

ಒಂದು : ದೀಪದ ಬತ್ತಿ. ಎಂಣೆಯ ಸಹಕಾರದಿಂದ, ತಾನು ಹೊತ್ತಿ ಉರಿದು, ದೇವರಿಗೆ ಸಹ ಬೆಳಕು ಬೀರಿ, ಕಿರಿದು ಕಿರಿದು ಆಗುತ್ತಾ ಹೋಗಿ, ಕೊನೆಗೆ ಅತಿ ಕಿರಿದಾದಾಗ, ಇನ್ನು ಉರಿಯಲಾರದೆ ಕಸಕ್ಕೆ ಸೇರುತ್ತದೆ.

ಎರಡು: ಕಸಬರಿಕೆ. ಪ್ರತೀ ದಿನ ತಾನಿರುವ ಮನೆಯನ್ನು ಗುಡಿಸಿ, ಗುಡಿಸಿ, ಸ್ವಚ್ಛ ಮಾಡುತ್ತಾ ಮಾಡುತ್ತಾ, ತಾನೇ ಸವೆದು ಸವೆದು ಅತಿ ಕಿರಿದಾಗಿ ಕೊನೆಗೊಂದು ದಿನ ತಾನೇ ಕಸದ ಬುಟ್ಟಿ ಸೇರುತ್ತದೆ.

ಇಂಥಹ ತ್ಯಾಗವೇ ನಿಜವಾದ ತ್ಯಾಗ ಅನ್ನಿಸೊಲ್ಲವೇ?.

***********