Friday, 20 June 2014

ಹುಟ್ಟಿಗೆ ಮುಹೂರ್ತ.

ಮದುವೆ, ಮುಂಜಿ ಮುಂತಾದ 
ಕಾರ್ಯಗಳನ್ನು ಒಳ್ಳೆಯ ಮುಹೂರ್ತ
ಇಟ್ಟು ಮಾಡುವುದು ಸಾಮಾನ್ಯ.
ಹುಟ್ಟು ಮತ್ತು ಸಾವಿಗೆ ಈವರೆಗೆ
ಮುಹೂರ್ತ ನೋಡುವುದು ಅಸಾಧ್ಯವಿತ್ತು.
ಆದರೆ ಇತ್ತೀಚೆಗೆ ಹುಟ್ಟಿಗೆ ಮುಹೂರ್ತವಿಡುವ
ಪದ್ಧತಿ ಶುರುವಾಗಿದೆ ! ಅಂದರೆ, ದಿನ ತುಂಬಿದ
ಗರ್ಭಿಣಿಗೆ, ಬಿಟ್ಟರೆ ಸಾಮಾನ್ಯ ಹೆರಿಗೆ
ಆಗುವಂತಿದ್ದರೂ, ಒಳ್ಳೆಯ ಮುಹೂರ್ತ
ನೋಡಿ, (ಒಳ್ಳೆಯ ವೇಳೆ,ವಾರ, ನಕ್ಷತ್ರ, ರಾಶಿ ನೋಡಿ)
ಸಿಜೇರಿಯನ್ ಮಾಡಿಸಿ ಹೆರಿಗೆ ಮಾಡಿಸುವ
ಪರಿಪಾಠ ಶುರುವಾಗಿದೆ. ಈ ಬಗ್ಗೆ ಹುಟ್ಟುವ
ಮಗುವಿನ ತಂದೆ ತಾಯಿಯರು
ವೈದ್ಯರ ಮೇಲೆ ಒತ್ತಡ ತರುತ್ತಾರೆ.
ಈ ಒತ್ತಡಕ್ಕೆ ಮಣಿಯದಿದ್ದರೆ ವೈದ್ಯರ
ಉದ್ಯೋಗಕ್ಕೇ ತೊಂದರ ಬರುತ್ತದೆ. !!!!
ಹೇಗಿದೆ ಹೇಳಿ? ಈ ರೀತಿಯ ಬಲವಂತದ
ಹೆರಿಗೆಯಿಂದ ಹುಟ್ಟುವ ಮಗುವಿನ ಜಾತಕ
ಬದಲಾಗುತ್ತದೆ ಎಂಬ ಭ್ರಮೆಗೆ ಏನನ್ನ ಬೇಕು?
ಇದೊಂದು ಮೂಢ ನಂಬಿಕೆಯ ಪರಾಕಾಷ್ಠತೆಗೆ
ಒಳ್ಳೆಯ ಉದಾಹರಣೆ ಎಂದು ನನಗನ್ನಿಸುತ್ತದೆ.
ನಿಮಗೇನು ಅನ್ನಿಸುತ್ತದೆ ಹೇಳಿ?


19.06.2014