Sunday 12 March 2017

ರೋಮಾಂಚನ.
ನಿನ್ನನಪ್ಪಿ ಬರಸೆಳದು
ಎದೆಗವಚಿಕೊಳ್ಳುವಾಸೆ,
ನಿನ್ನ ನಲಿವ ಮುಂಗುರಳಲಿ
ಬೆರಳಾಡಿಸಿ ಸುಖಿಸುವಾಸೆ,
ನಿನ್ನ ತುಂಬುಗೆನ್ನೆಗಳನ್ನು,
ಮಲ್ಲಗೆ ಹಿಂಡಿ ನಸುಗೆಂಪು
ಮಾಡುವ ತಡೆಯದ ತವಕ,
ನಿನ್ನ ಎಸಳು ಕಿವಿಗಳಲ್ಲಿ ಪಿಸುಗುಟ್ಟಿ
ಬಿಸಿಯುಸಿರ ಬಿಡುವ ಸವಿ ಬಯಕೆ,
ನಿನಗೆ ಎಲ್ಲೆಂದರಲ್ಲಿ ಕಚಗುಳಿಯಿಟ್ಟು,
ನಿನ್ನ ಕೆಂಪು ಚೆಂದುಟಿಗಳಲ್ಲಿ
ಕಲ್ಮಷವಿಲ್ಲದ ನಗುವರಳಿಸುವಾಸೆ,
ನಿನ್ನ ಗೋದಿಬಣ್ಣದ ಮಿದುಮೈಯ
ನವಿರಾಗಿ ಸವರಿ, ಸವರಿ,
ಹಿತ ರೋಮಾಂಚನಗೊಳ್ಳುವಾಸೆ.
ಮಗುವೇ, ನಿನ್ನ ಮುದ್ದಾದ ಕೆಂಪು
ಪಾದಗಳಿಂದ ಎದೆಗೊದೆಸಿಕೊಂಡು
ಧನ್ಯನಾಗುವೆ, ಬಳಿಗೆ ಬಾ ನನ್ನ ಕಂದ.

No comments:

Post a Comment